LEGIT HUSTLE

God abeg, Make excess CASH gum BOARD to DASH OUT ontop this life DASHBOARD 

E get the kind SOFT wey WEALTH dey CAUSE; and e no go HARD to get babe WET of COURSE

But The surest way to avoid GOBE na legit HUSTLE wey GO PAY

Before you begin POINT MONEY like MONIEPOINT, make your inflow and outflow be like OPAY

.

.

The rainbow wey dey cover me is a covenant forged out from Jesus' BLOOD - no be OXBLOOD

Na him cover me with the coat of many colours which makes me the different one on BOARD

Me wey BOARD SHIP to TARSHISH don turn the JONAH wey dem wan throw OVERBAORD

And once DELILA barb Samson GLORY, the only one who fit change the STORY na BABA GOD

.

No join the gang of YAHOO PLUS wey dey prematurely KPAI like GOOGLE PLUS

Make your life no go dey MINUS when others be celebrating PLUS one

No let devil PISS put for your PEACE; make BAD WEALTH no delete GOOD HEALTH

E get the kind BAMBAM with the big boys wey go DOREME you put for CHALLENGE Bustop 

.

Stand strong GOGORONGO like an Igi GOGORO wherever you GO

Learn to say NO instead of yes, make this life no carry you go where you no KNOW

You join GANG because you wan BANG but laslas wetin you find go GOMBE don put you for GOBE

You leave OYIGIYIGI dey find JIGIJIGI but later realize wetin you find go SOKOTO dey your SOKOTO

.

Na you join HIGH CULT wey dey BARBER GLORY dey use UPPER CUT finish people STORY

They promised to make you TAKE OVER but laslas wetin dem knack you na LEG OVER

Shebi all the REAR LIES don make you REALIZE leaving I AM THAT I AM gets you chopped like A YAM

Exactly how the UNLUCKY on LOW KEY get their GOD MADE TIME replaced with MAN MADE THYME